ફીકસ પગારનાં કર્મચારીઓના અવસાન સમયે આશ્રિત કુટુંબને ઉચ્ચક નાણાકીય સહાય ચૂકવવા બાબત

કરારીય સમયગાળા દરમ્યાન અવસાન પમનાર વર્ગ-૩ અને વર્ગ-૪ ના ફીકસ પગારનાં કર્મચારીઓના આશ્રિત કુટુંબને ઉચ્ચક નાણાકીય સહાય ચૂકવવા બાબતે સામાન્ય વહીવટ વિભાગના તા.20/07/2017ના ઠરાવથી નક્કી કરવામાં આવ્યું છે.

ઠરાવ અનુસાર તા.05/07/2011 અને ત્યારબાદ ફીકસ પગારનાં કર્મચારીના અવસાનના કિસ્સામાં તેમના આશ્રિત કુટુંબને રૂ.ચાર લાખની ઉચ્ચક નાણાકીય સહાય ચૂકવવામાં આવશે.

આ ઠરાવમાં અન્ય શરતો પણ રાખવામાં આવી છે.

આ ઠરાવ આપ નીચેની લીન્ક પરથી ડાઉનલોડ કરી શકો છો.

ફીકસ પગારનાં કર્મચારીઓના અવસાન સમયે આશ્રિત કુટુંબને ઉચ્ચક નાણાકીય સહાય ચૂકવવા બાબત

અધિકારી-કર્મચારીના અવસાન સમયે કુટુંબને સહાય

સરકારી કર્મચારીઓ અને અધિકારીઓનું ચાલુ સેવામાં હોય અથવા મળવાપાત્ર રજા હોય તેવા સમયમાં કે અસાધારણ રજા પર હોય તેવા સમયમાં અવસાન થાય તો રૂ. 2500/-ની ઉચ્ચક આર્થિક સહાય તેમના કાયદેસરના વારસદારને મળવાપાત્ર છે.

આ અંગેનો ઠરાવ નીચેની લી‌‌‌‌‌ન્ક પરથી ડાઉનલોડ કરી શકાશે.

સરકારી અધિકારી-કર્મચારીના અવસાન પ્રસંગે તેમના કુટુંબને સહાય મળવા બાબત

સરકારી કર્મચારીઓ અને અધિકારીઓનું અકસ્માત થવાથી અવસાન પામેલ હોય તો રૂ.25000/- ની ઉચ્ચક આર્થિક સહાય તેમના કાયદેસરના વારસદારને મળવાપાત્ર છે.

આ અંગેનો ઠરાવ નીચેની લી‌‌‌‌‌ન્ક પરથી ડાઉનલોડ કરી શકાશે.

સરકારી કર્મચારી-અધિકારીના અકસ્માતે અવસાનના પ્રસંગે તેમના કુટુંબને સહાય મળવા બાબત

કરાર આધારીત કર્મચારીઓની બદલી અંગે

ગુજરાત સરકારમાં કરાર આધારે ફીક્સ પગારથી નિમણૂક પામેલ કર્મચારીઓની બદલી/પ્રતિનિયુક્તિ અંગેની માર્ગદર્શક સૂચનાઓ સામા‌ન્ય વહીવટ વિભાગના તા.05/07/2017ના પરીપત્રથી પ્રસિદ્ધ કરવામાં આવેલ છે.

⇒ આ પરીપત્રની જોગવાઇઓ નીચે મુજબ છે:

1.       ફિક્સ પગાર અને કરાર આધારે નિમણુંક મેળવનાર મહિલા કર્મચારી તથા દિવ્યાંગ ક્વોટામાં નિમણૂંક મેળવનાર કર્મચારીએ ઓછામાં ઓછી એક વર્ષની સેવાઓ બજાવી હોય તો તેઓની અન્ય જીલ્લાની ખાલી જગ્યા પરની ફેરબદલી માટેની અરજી વિચારણામાં લઇ શકાશે.

2.       વર્ગ – 3 સંવર્ગની નવી જાહેરાત અન્વયે સીધી ભરતીના નવા ઉમેદવાર નિમણૂંક મેળવે તે પહેલા જે ફિકસ પગારના મહિલા કર્મચારીએ ઓછામાં ઓછી એક વર્ષની સેવાઓ બજાવી હોય અને પુરૂષ કર્મચારીએ ઓછામાં ઓછી બે વર્ષની સેવાઓ બજાવી હોય અને આવા ઉમેદવાર બદલીની અરજી કરે તો પ્રથમ આવી અરજીઓ ઉપર કાર્યવાહી પૂર્ણ કરવાની રહેશે અને ત્યાર બાદ ખાલી રહેલ જગ્યા ઉપર સીધી ભરતીથી નવી નિમણૂક મેળવનાર ઉમેદવારોને નિમણૂંક આપવાની કાર્યવાહી કરવાની રહેશે. વધુમાં સમાન કેડરની બે મહિલા કર્મચારીઓ કે જેમણે ઓછામાં ઓછી એક વર્ષની સેવાઓ બજાવી હોય અને તેઓ અરસ-પરસ બદલીની માંગણી કરે તો આવી બદલી કરી શકાશે.

ઉપર ક્ર્માંક (2) બાબતે સીધી ભરતીની જાહેરાત આપતા પહેલા જ બદલીની અરજીઓ બાબતે વિચારણા કરી આખરી નિર્ણય લેવાય તે સુનિશ્ચિત કરવાનું રહેશે. આ ઉપરાંત આ પ્રકારની બદલીઓ સમાન સંવર્ગની સમાન પગાર ધોરણવાળી જગ્યાઓને વહીવટી હિત ધ્યાને લઇ લાગુ કરવાની રહેશે

3.       ફીક્સ પગારના પુરૂષ કર્મચારીએ ઓછામાં ઓછી બે વર્ષની સેવાઓ પુર્ણ કરી હોય અને મહીલા કર્મચારીએ ઓછામાં ઓછી એક વર્ષની સેવાઓ પુર્ણ કરી હોય અને આવા ઉમેદવાર અરસ-પરસ સ્વ-વિનંતિથી બદલીની અરજી કરે તો આવી અરજી ઉપર વિચારણા કરી અરસ-પરસ કરી શકાશે.

4.       ઉપર મુજબની તમામ બદલીઓ સ્વ-વિનંતિથી ગણવાની રહેશે.

નીચેની લી‌ન્ક પરથી આ પરીપત્ર ડાઉનલોડ કરી શકો છો.

કરાર આધારે ફીક્સ પગારથી નિમણૂક પામેલ કર્મચારીઓની બદલી/પ્રતિનિયુક્તિ અંગેની માર્ગદર્શક સૂચનાઓ

સામગ્રી મોકલનાર: પૂજા આર. રાઠોડ, જુનિયર ક્લાર્ક, જામનગર

બઢતી કે ઉ.પ.ધો. વખતે વિકલ્પ આપવા બાબત

ઉપરોક્ત કિસ્સા મુજબ જો કર્મચારી કે શિક્ષક તેની આગામી ઇજાફા તારીખથી પગારબાંધણી કરવાનો વિકલ્પ ન આપે તો રૂ.43600 પગાર તા. 01/01/2018ના રોજ નક્કી થાય છે અને આગામી ઇજાફા તારીખથી પગારબાંધણી કરવાનો વિકલ્પ આપે તો રૂ.43600 પગાર તા. 01/07/2017ના રોજ નક્કી થાય છે. આમ, કોઇ કર્મચારી કે શિક્ષકને કોઇ વર્ષની 2 જાન્યુઆરી અને 1 જુલાઇ (બન્ને તારીખો સહિત) વચ્ચે બઢતી કે ઉચ્ચતર પગાર ધોરણ (ઉ.પ.ધો.) મળે અને આગામી ઇજાફા તારીખથી પગારબાંધણી કરવાનો વિકલ્પ આપે તો સામાન્ય રીતે ફાયદો થાય છે. આમ છતાં, દરેક વ્યક્તિગત કિસ્સામાં ઉપરોક્ત મુજબ ગણતરી કરીને વિકલ્પ આપવા અંગેનો નિર્ણય લેવો હિતાવહી છે.

નાણા વિભાગનો તા.05/06/2017 નો પરીપત્ર નીચેની લી‌‌‌‌‌ન્ક પરથી ડાઉનલોડ કરી શકો છો.

કેન્‍દ્રિય સાતમા પગારપ્ંચની ભલામણો અન્‍વયે પગાર બાંધણી નો વિકલ્પ આપવા બાબત સ્‍પષ્‍ટતા બહાર પાડવા અંગે